سياسة الاسترجاع
سياسة الإلغاء والاسترجاع
هدفنا إنك تستلم قطعتك وإنت مطمّن، عشان كده عندنا "افحص قبل ما تدفع" على كل الطلبات.
1. الفحص عند الاستلام
- المندوب بيستناك لحد ما تفحص المنتج بهدوء قبل الدفع.
- لو المنتج فيه عيب تصنيع، أو مختلف عن اللي طلبته (لون، مقاس، موديل)، أو وصل فيه كسر، من حقك ترفض الاستلام ومش هتدفع حاجة، وهنتواصل معاك نصلّح أو نستبدل أو نلغي الطلب.
2. إلغاء الطلب
- تقدر تلغي الطلب مجاناً خلال 24 ساعة من تأكيده، طالما التصنيع ما بدأش.
- بعد بدء التصنيع مش هينفع الإلغاء، لأن أغلب منتجاتنا بتتصنع مخصوص للطلب بالمقاس واللون اللي اخترته.
- لو دفعت أونلاين وألغيت في المدة المسموحة، بنرجّعلك المبلغ كامل على نفس وسيلة الدفع.
3. الاسترجاع والاستبدال بعد الاستلام
- لو ظهر عيب تصنيع بعد الاستلام، كلّمنا على واتساب وابعت صور أو فيديو للمشكلة. بنراجع الحالة ونرد عليك خلال 2 إلى 3 أيام عمل.
- لو العيب من عندنا أو في خطأ في الطلب: بنصلّح المنتج أو نستبدله أو نرجّع قيمته، وإحنا اللي بنتحمّل مصاريف الشحن.
- المنتجات المفصّلة خصيصاً (مقاس أو لون أو تصميم حسب طلبك) مش بتترجع لمجرد تغيير الرأي، إلا لو فيها عيب أو مخالفة للمواصفات المتفق عليها.
- لو حابب تستبدل منتج عادي (مش مفصّل) لمجرد تغيير رأيك، تواصل معانا ونشوف المتاح، وفي الحالة دي مصاريف الشحن ذهاب وعودة على العميل، بشرط إن المنتج يكون بحالته الأصلية ومش مستعمل.
4. رد المبلغ
بعد الموافقة على الاسترجاع، بنرجّع المبلغ على نفس وسيلة الدفع اللي استخدمتها. المدة الفعلية لظهور المبلغ في حسابك بتعتمد على البنك أو شركة الدفع أو التقسيط.
5. الضمان
كل منتجات Furnish عليها ضمان 3 سنين ضد عيوب التصنيع. الضمان مش بيغطي سوء الاستخدام أو التعرض للمياه أو التعديل في المنتج من غيرنا.
6. إزاي تتواصل معانا
واتساب: 01107815459
تليفون: 01126220687